- Ein heil pakke som gjer at det er kjekt å bu her!

Sjøutsikt, gåavstand til skule og nærleiken til naturen gjorde at Jon Olav og Christine Rolfsnes valte å byggja hus på Bømlo.

- Me hadde ikkje lyst til å bu midt i sentrum, men likevel nært nok til at borna på sikt skal kunna sykla til skulen og at det ikkje er så langt å køyra til butikken. I tillegg er det sjøutsikt, og det set me stor pris på, fortel Jon Olav Rolfsnes.

Saman med kona Christine Haukeland Rolfsnes og borna Aron (3) og Liva (5 mnd) har han bygd hus og etablert seg i det nye Melingsfeltet på Bømlo.

- Det er ein god kombinasjon med gåavstand til sentrum, skule og nærleik til naturen og turløyper. Rett og slett ein heil pakke som gjer at det er kjekt å bu her, fortel Christine, som eigentleg kjem frå Bergen.

I 2018 KUNNE familien Rolfsnes flytta inn i det splitter nye huset, etter eit godt samarbeid med utbyggjar Blink Hus Steinsbø.

- Me hadde ei god oppleving med Steinsbøen, og fekk en byggeleiar me opplevede at møtte oss på det me hadde behov for, fortel Jon Olav.

For ekteparet var det viktig å kunna byggja nytt utan å gjera det alt for kostbart.

- Av den grunn var det fint at Steinsbøen kunne bistå med råd til kva tiltak me kunne gjera undervegs for å unngå at prosjektet vart for dyrt, seier han.

Sidan innflyttinga har familien trivst svært godt i det nye huset og i nabolaget. Særleg positivt synest dei det er med unge naboar som alle er i 30-åra.

- Det som er kjekt med å bu her, er at alle i feltet er i same livssituasjon. Sote og små innbyggarar i feltet er stort sett på same alder, og difor treng ikkje borna gå langt før dei har nokon å leika med. Det betyr mykje.